سخندان

او گونکه ایلدی رحلت رسول عالمیان******* اولوبدو محشر خاتون  حشراو گونده عیان

قویوبدو یرده پیمبر جنازه سین امت************سقیفیه یغشوب اول گروه بد فطرت

اولوبلا جاه وجلال  جهانه چون مایل********* ایدوبله باطلی حق ،‌حقی ایتدیلر باطل

دوشوب ایکی لیک او گوندن میان اسلامه******که پتمیوبدو هنوز او ایکی الیک اتمامه

همین ایکی لیگلن او گروه بدپیشه********** ویروبله ریشه اسلامه بیر بویوک  تیشه

همین سقیفه ده که ظلم ایچون اولان شورا**********الوب مقدمه ظلم روز عاشورا

او ظلملرکه ایدوب کربلاده اهل دمشق********* آلوبلا ثانی ملعونیدن اولار سرمشق

علی یوزینه قلج چکمسیدی گر ثانی**********شهید ایدردی نجه شمر عزیز زهرانی

بتوله دشمن دین ورماسیدی گر سیلی******سکینه نون یوی اولمازدی سیلیدن نیلی

علینون حقنی غصب ایتمسیدی قوم دنی*******اسیر اولوردی نجه عترت شه مدنی

بتولی دشمن اگر ورماسیدی جراتلن***********وراردی زینبی شمر لعین نه قدرتلن

بتول درگهی ظلمیله یانماسیدی ،‌یقین*******خیام زینبی یا ندور مازیدی شمر لعین

او باب علمه لگد ورماسیدی گر دشمن******یارالی سینیه چخمازدی شمر ذالجوشن

او گون قابور قالا ری سنماسیدی زهرانون** یارالی سینه سی سنمازدی شاه بطحانون

ستمله محسن زهرا گر اولماسیدی شهید******* جفای حرمله اولمازدی کربلاده پدید

چکلمسیدی علی بیعته آچوق باشیلان***حسین باشی یارالانمازدی نیزه ده داشیلان

علینون حقی گیدوب قلبی یانما سیدی اگر** حسین تشنه لبون قلبی اوخلاناردی مگر

علی نی خانه نشین ائتمسیدی قوم تباه********یقین خرابه نشین اولمازیدی آل الله

پیمبر امرینه گر امت ایلسیدی وفا **********  حسین دوداقلارینا دگمزیدی چوب جفا

نه ظلملرکه گوریب «ناصر »  اهل بیت نبی  ****  سقیفه بیعتیدور اول جفالرون سببی

داریوش مصلح مدیر وبلاگ لبیک یا محمد رسول الله

زینبیم گل گور نئجه رنگیم سولوب پوزقوندی حالیم

اوز ائویمده ظلمیله وئردی منه زهر اوز عیالیم

گلوب شور و شینه    خبر وئر حسینه

مرغ حقّم بال و پر چالاّم باجی؛ غملی قفسده

رحمسیز صیّادیم امّا غرق اولوب شوق و هوسده

سسله قارداشیم حسینی تا گوروم، بو صون نفسده

 چوخ سوزوم دیلده اونا واردی یئتیشدی ارتحالیم

من گلِ سبز گلستان رسول مصطفایم

 میوه ی قلب بتول و نور چشم مرتضایم

 عالم غربتده مشهورم امام مجتبایم

 قانه دونموش قلبیده، آلله بیلور چوخدور ملالیم

گل اوزون، اول غمگساریم ای باجی بو غم چاغیمدا

 لاله لر آیینه دی احوالیمه غربت باغیندا

 آهولار آغلار منه درد و غم و محنت داغیندا

 دای داغیلدی جعده نین جور و جفاسیندن جلالیم

صرصر غم، غصّه اسدی بو گوزل گلزاره باجی

 دءوز غم هجره بلالی باشیوه سال قاره باجی

 سویله گلسین آل هاشم آخرین دیداره باجی

 آیریلیق گلدی اور، محشر گونی، وقت وصالیم

من دئمم سن خضریله الیاسی زینب سسله گلسین

گلشن غمدن گلِ احساسی زینب سسله گلسین

گوگلوم ایستور قارداشیم عبّاسی زینب سسله گلسین

 گر چه صبر ائتمز منی گورسه بئله اُول مه جمالیم

توکمه بو گوز یاشیوی رخساریوه، ساخلا حسینه

 چکمه آه آتشین چکسونده دیل داغلا حسینه

آغلاما باجی منه گر آغلاسون آغلا حسینه

آغلورام منده اونا گور نه آخور اشک زلالیم

آرزو ایلر اولا «سید بشیر» مهمان بقیعه

مرغ روحی پر آچار زوّار اولار هر آن بقیعه

نوحه سین بهزاد اوخور، سویلر اولوم قربان بقیعه *

 گلشن عشقیمده اولموش بلبل شیرین مقالیم

نوحه امام رضا

فله‌کین جفاسی هرگیز، یئتیشه‌ن دگیل تمامه

گلین آغلایاق بوگون بیز، گینه بیر غریب ایمامه

وار اگر صفای قلبون، نظ‌رینده ائت مجسم

گلیب حجره‌یه بویوردون، اوْ شهه‌نشه دوْ عالم

گل اباصلت ائیله ایندی، هامی فرش خانه‌نی جمع

قوری یئرده من وئریم جان، اوْ خۇدای-ی-لاینامه

منه زهر وئردی مأمون، اولورم ائدیم نه چاره؟

جیگریمی زهر کینه، ائله‌ییبدی پاره- پاره

ائله بیرجه طشت حاضیر، بو غریب دیلفیگاره

نئجه گؤر شراب محنت، گینه چرخ تؤکدو جامه

ائدیب عرض اباصلت اوْندا، اوْ امام ائنس و جانه

گتیریر سنین بو حالون، من زاری چوْخ فغانه

سنه من فدا باخیرسان، نییه چوْخ اوْیان بویانه

دئدی گؤزلیره‌م کی اوغلوم، گله تا یئتم مراده

بو سوزی بویوردی گوردیم ، اوْ زامان من جیگرخون

گلی بیر نجیب سید، ولی چوْخ ملول وْ محزون

یئتیشیب آتا بالایه، اوْلوب حاله‌تی دیگرگون

دوشر اوْندا گؤر نه حاله، یئتیشه امام امامه

بلی بو امامی مأمون، ائله‌دی سیتمله  مسموم

بو غم اهلی عالمینی، ائله‌دی ملول و مغموم

گینه دوشدی  شیعه یاده، اوْ غریب حسین مظلوم

بو شهنشهین یئتیشمز غم و محنتی تمامه